***কারাম গোঁশায় ***
জহার কারাম গোঁশায় । কারাম গোঁশায় দ সানাম আদিবাসী সাঁওতে সান্তাড় সমাজ রেহঁয় পূজনঃ আ।নুয় বঙ্গা দ সুখ, শান্তি,এমঃ, করম কপাল সঝে, আর ধন কুবের বঙ্গা কানায়। নুয় মানাও গুনাও তালাতে গে মানমীয়াঃ জীয়ন ডাহার সহলঃ আ মেনতে আদিবাসী তথা সান্তাড় হঁ ব বিস্বাস আঃ আ। আনাতে গে কারাম গোঁশায় দ ব বঙ্গা আয়া।
সান্তাড় সমাজ রে কারাম গোঁশায় দ মড়়ে লেকাতে ব বঙ্গা আয়া । যেলেকা ১. জাওয়া কারাম , ২. বঙ্গা কারাম, ৩. গুর কারাম, ৪. মাঝি কারাম / দিশম কারাম , ৫. জিতয়া কারাম।
কারাম গোঁশায় বঙ্গা তালাতে আব সাঁওতারে কারাম বিন্তি রেনাঃ চল মেনাঃ আন। বিন্তি গুরু কঠেন ব আঁজমা সান্তাড়াঃ দর্শন রেনাঃ কাথা ক । বর্তমান সমাজ রে সান্তাড়াঃ দর্শন রেনাঃ তেতেৎ কাথা ব্যাখ্যা রেনাঃ অক্ত হেজ্ আকানা । কারাম বিন্তি রেনাঃ অনেক অংশ মেনাঃ আন জাঁহাদ বিজ্ঞান রেনাঃ ভিত্তি মেনাঃ আন। তবে আবওয়াঃ দর্শন রে অনা দ রূপক আকার তে মেনাঃ আন ।নওয়া বিন্তি বাঁখেড় কাথা কগে সান্তাড় সমাজ রেনাঃ আডি মারাং ধন কানা। রিল কিচিল কাতে সেটেজ্ অডক রেনাঃ আঁগিভার দ আব সানাম কওয়াঃ গে ।
কারাম গোঁশায় বঙ্গা তালাতে কারাম সেরেঞ আর এনেজ্ রেনাঃ হঁ চল মেনাঃ আন। আব লাকচার রে ভিনা ভিনা পরব রেনাঃ এনেজ্ সেরেঞ ক হঁ যুদা যুদা গেয়া। কারাম এনেজ্ সেরেঞ দ খালি কারাম পরব সুমুং রেগে হুয়ুঃআ। আর নওয়াগে আবওয়াঃ গরব রেনাঃ কাথা দ।
কারাম গোঁশায় গে আবওয়াঃ কর্ময় ঞেল তাবনা । জাঁহায় যে লেকা ব কর্ময়া উনি অনকা গে কুড়ায়ে এমা বনা।ভাগি কামি লাগিৎ দ ভাগি কুড়ায় । আর বাড়িজ্ কামি রেনাঃ দ বাড়িজ্ গে। যেলেকা কারাম বিন্তি রে ব ঞেলা কারমু আর ধারমু আঃ করম কপাল অকা লেকারে বাম মেনেক বাড়িজ্ লেন তাকিনা । আকিনাঃ কামি আর কুরুমুটুতে কারাম গোঁশায় কিন আগু রুওআড় কাতে কিন প্রতিষ্ঠিত কেৎ লেরে কারাম গোঁশায়াঃ আশির্বাদ কিন ঞাম রুওয়াড় লেৎ আ।
No comments:
Post a Comment