খেরওয়াল কওয়াঃ আরিচালি

সান্তাড় কগে খেরওয়াল ঞুতুম তেক লায়ঃ আ। মেনদ মিৎ অক্তে সান্তাড় হড় দ আডি তেৎ গে ঝতম সেনতে পারুখিয়া গে ক  তাঁহে কানা। অনা তেগে সান্তাড় ক দ খেরওয়াল ঞুতুম তেক উপরুম লেনা। নাহাঃ দ যুগ বদল আকানা। পারুখিয়া সান্তাড় হড় ব নিধান গৎ আকানা। এনতে রেহঁ আব ক মুদ রে দ খেরওয়াল উপরুম মেনাঃ গে তাবনা। 

নওয়া সাতাম রে দ খেরওয়াল কওয়াঃ আরিচালি বাখরাতে অল আকানা। খেরওয়াল কওয়াঃ আরিচালি দ এটাঃ জাতি রেন মানমি আঃ আরিচালি খন দ যুদা গেয়া। চেদাঃ সে খেরওয়াল জাতি দ যুদা উতার মিদ্ জাতি কানাক ।

খেরওয়াল কওয়াঃ জানাম খন গুজুঃ ধাবাজ্ আডি রকম কামি কাসনি নিয়ম নেমাচার মেনাঃ আনা। অনা কগে মিদ্ কাথাতে আরিচালি ক মেতাঃ আ। 

খেরওয়াল সাঁওতারেন  এগাত কুখি রে গিদরা ক বুটুঃ লেন খান গে সাবধান তে দহ ক মেনমে নাওয়া 

পেড়ায় হিজুঃ কান দ কোনো রকম নাড়া পিড়া আলয় ঞাম মা। নওয়া দ ধারতী রেন সানাম জাতিয়াঃ আরিচালি রেগে ঞেলগঃ আ। নিয়া অক্তে বার জিউয়ী হড় মেনদ পোওয়তি পুষ্টি আনাঃ জম কয় জম ঞু লেখান ধারতী রেয় হিজুঃ কান গিদরা হাঃ লাভ হুয়ুঃ আ। 

 

গিদরায় জানাম লেনখান গে খেরওয়াল সাঁওতা রেন ভাই ভায়াদ ক ছুতঃ  আ । ছুত বাং মেটাও ধাবিজ্ দ মিৎ খঁড় রেন হড়াঃ দ বঁগা বুরু বাং গানঃ আ। আর ছুত মেটাও ধাবিজ্ দ এঁগাত আর গিদরা হাঃ দেখভাল কামি দ ধায় বুঢি গেয় কামিয়া। ছুত মেটাও কামি দ গিদরা জানাম খনাঃ মড়ে মাহা আর বাং খান এয়ায় মাহারেক কামিয়া। কামি রেনাঃ তাড়া তাহেঁ লেনখান দ পে মাহা রেহঁ গানঃ গেয়া। 

ছাটয়ার :- ছাটয়ার কামিদ ছুত মেটাও সাঁওতে হঁ ক কামি গেয়া। আর বাং দিন খন কাতে হঁ গানঃ গেয়া। আতু পাড়া রেন হড়  নিম দাঃ মাডি ক ঞুয়া । আর নাওয়া জানাম আকান গিদার হঁ ক ছাটয়ার ঞুতুমেয়া। ইনা হিলোঃ খন গে উনি গিদরা হঁ আদ আতু হড় রেন মিদ্ সহেদ্ মেন তেক লেখায়েয়া। আতু হড় দ ছাটয়ার ঞুতুম তে আদ ভজ হঁ ক জম তারায়া। 

বাপলা :- খেরওয়ল সাঁওতারে বাপলা রেনাঃ রিত এটাঃ জাতি য়াঃ খন দ জুদা গেয়া। খেরওয়াল সাঁওতারে বাপলা দ আডি রকমাঃ মেনাঃ রেহঁ আসল জশ দ মিদ্ টান গেয়া , মিদ্ কড়া গিদার আর মিদ কুড়ি গিদার সংসার জিয়ন রে পাউড়ি গিডি গে বাপলা। ভিনা বাপলা রেনাঃ লেক ক হঁ জুদা জুদা গেয়া। তবে নডে কিছু কিছু লেগ ক সাব্ রাকাব্ এনা। যেলেকা সুনুম সাসাং ক অজঃ কিনা নাওয়া জাঁওয়ায় নাওয়া বাহু কিন। মেন দ বঙ্গা কড়া বঙ্গা কুড়ি রূপ তেগে বার হড়াঃ তাড়াম ডাহার মিদ্ ডাহার তে চাচো লাহাঃ আ।  হরঃ চিনাহাও,  দাঃ বাপলা, উল বাপলা, সিঁদরা দান নওয়া ক খেরওয়াল সাঁওতা রেনাঃ আরি চালি লেকাতে বাপলা রে লেক লেকা ক কামিয়া। 

চাডি কুটাম :-চাডি কুটাম তালাতে নাওয়া জাঁওয়ায় বাহু তাক অড়াঃ রে ক বঁগা তালা য়েয়া মেন দ নাওয়া জাওয়ায় দ আদ আড়াঃ রেনাঃ বঁগা জিল দাকায় জম দাড়েয়াঃ আ। নতে জাঁওয়ায় অড়াঃ রেহঁ নাওয়া বাহু বাখরাতে সুনুম সিঁদুর ক বঁগায়া যা তে বঁগা বুরু ক হঁ অড়া লুখী ক আতাং দারামেয়া। 

ভাঁডান :- সান্তাড় সাঁওতারেন হড় ক গজ্ গুর লেন খান হঁ আতু ভাই ভায়াদ দ ক ছুত অঃ আ। গুর আকান হড় বাখরাতে তেলখোর হুয় লেনরে আদ বঁগা বুরু ক গানঃ আ। দুক আকান হড় ক দ আকওয়া সামর্থ্য মত দিন গটা কাতে ক ভাঁডানঃ আ। ভাঁডান কামি গে গজ্ গুর কামি রেনা‌ মুচেদ কামি কানা। ভাঁডান কামি তালাতে গজ্ গুুুর আকান ।

বঁগাবুরু :- সান্ততাড় সাঁওতারে  গটা বছর ভোর গে না না হুনার বঁগা বুুুুরু রেনাঃ চল ঞেল ঞামঃ আ। বছর রেনাঃ এতহব রেগে মাঘ সিম ক বঁগা কওয়া। সান্তাড় দ হানে আডি সেদায় খন চাষ বাস সালাঃ জপড়াও খাতির গে মাঘ সিম, এরঃ সিম, বাহা, গট সিম, সহরায়, কারাম এমান এমান বঁগা বুরু ক বঁগায়া। বঁগা কদ মারাং বুরু, জাহের আয়,  মড়েক ,তুরুয় ক গে ক বঁগা আকওয়া। হাপড়াম কহঁ গুর লেনখান ক বঁগাঃ আ নংকান পাতয়াও সান্তাড় তালারে মেনাঃ আ। অনাতে সুক সাঁওয়ার তে তাঁহেন লাগিদ অড়া রে হাপড়াম ক ঞুতুম তে হঁ হাঁডি দাঃ দুল চডর রেনাঃ চল ঞেল ঞামঃ গেয়া।